திருப்பரங்குன்றம் சுப்பிரமணியசுவாமி கோவிலில் கார்த்திகை தீபத் திருவிழா கொடியேற்றத்துடன் துவக்கம்.
பகிர்கcopied
எழுத்தின் அளவு:
பதிவு செய்த நாள்
16நவ 2026 10:11
மதுரை: மதுரை நவ.25, முருகனின் ஆறுபடை வீடுகளில் முதல்படை வீடான திருப்பரங்குன்றம் அருள்மிகு சுப்பிரமணியசாமி கோவிலில் நடைபெறும் சிறப்பு பெற்ற விழாக்களில் ஒன்றான கார்த்திகை திருவிழா கொடியேற்றத்துடன் இன்று கோலாகலமாக துவங்கியது. பக்தர்கள் ஏராளமானோர் பங்கேறு "அரோகரா" கோஷம் முழங்கிட் சுவாமி தரிசனம் செய்தனர்.
விழாவையொட்டி முன்னதாக உற்சவர் சன்னதியில் சுப்பிரமணிய சுவாமி தெய்வானை அம்மனுக்கு பால், பன்னீர், இளநீர் உள்ளிட்ட பல்வேறு அபிஷேக, ஆதாரதனைகள் நடைபெற்றது. இதையடுத்து சுவாமி தெய்வானையுடன் சர்வ அலங்காரத்தில் கம்பத்தடி மண்டபத்தில் எழுந்தருளினார். தொடர்ந்து வேத மந்திரங்கள் மங்கள வாத்தியங்கள் முழங்கிட கார்த்திகை தீப கொடியேற்றம் சிறப்பாக நடைபெற்றது. தொடர்ந்து தங்கமுலாம் பூசப்பட்ட கொடிமரத்திற்கு சிறப்பு அபிஷேகம் செய்த அருகம்புல், மா இலை, சந்தனம் குங்குமம், பூமாலைகள் கொண்டு அலங்காரம் செய்யப்பட்டு சிறப்பு தீபாராதனைகள் காட்டப்பட்டது. கார்த்திகை தீப திருவிழா இன்று துவங்கியதையடுத்து சுப்ரமணிய சுவாமி தெய்வானையுடன் தினமும் சுவாமிகள் காலையில் தங்க சப்பரத்திரத்திலும் மாலையில் வெள்ளி பூதவாகனம், அன்னம் வாகனம் என்பன உள்ளிட்ட பல்வேறு வாகனங்களில் எழுந்தருளி திருவாச்சி மண்டபத்தை வலம் வந்து பக்தர்களுக்கு அருள் பாலிக்கும் நிகழ்வு நடைபெறவுள்ளது. விழாவின் முக்கிய நிகழ்ச்சியாக வருகிற 23- ம் தேதி இரவு 7.25 மணிக்கு மேல் 7.50 மணிக்குள் சுவாமிக்கு பட்டாபிஷேகமும், வரும் 24-ம் தேதியன்று மாலையில் 6 மணிக்கு மேல் பாலதீபம் ஏற்றப்பட்டு தொடர்ந்து மலைமீது உச்சி பிள்ளையார் கோவிலில் கார்த்திகை மகாதீபமும் ஏற்றப்படுகிறது. கார்த்திகை தீப திருவிழாவின் முழு ஏற்பாடுகளையும் கோவில் நிர்வாகம் சார்பில் சிறப்பாக செய்யப்பட்டு வருகிறது.