அன்னூர்: அருகம்பாளையம் பட்டத்தரசியம்மன் கோவில் கும்பாபிஷேக விழா வரும் 29ம் தேதி நடக்கிறது.மசக்கவுண்டன்செட்டிபாளையம் ஊராட்சி, அருகம்பாளையத்தில், பட்டத்தரசியம்மன் கோவில் உள்ளது. இங்கு சிற்ப சாஸ்திரப்படி, புதிதாக கர்ப்பகிரகம், மகா மண்டபம், விமான கோபுரம் அமைக்கப்பட்டு, பரிவார தேவதைகள் மற்றும் பரிவார தெய்வங்களோடு புதிய கோவில் அமைக்கப்பட்டுள்ளது. வரும் 27ம் தேதி காலை விநாயகர் வழிபாட்டுடன் கும்பாபிஷேக விழா துவங்குகிறது. மாலையில் முதற்கால ஹோமம் நடக்கிறது. 28ம் தேதி காலையில், இரண்டாம் கால ஹோமமும், மாலையில் மூன்றாம் கால ஹோமமும் நடக்கிறது. 29ம் தேதி அதிகாலையில் யாகசாலையிலிருந்து கலசங்கள் புறப்பட்டு, கோவிலை வலம் வருகின்றன. காலை 6.30 மணிக்கு மகா கும்பாபிஷேகம் நடக்கிறது. 28 மற்றும் 29ம் தேதி அன்னதானம் வழங்கப்படுகிறது. ஏற்பாடுகளை ஊர் பொதுமக்கள் செய்து வருகின்றனர்.