சபரிமலை: சபரிமலையில் ஓணம் மற்றும் புரட்டாசி மாத பூஜைகளுக்காக சபரிமலை நடை செப் 14  மாலை 5.30க்கு திறக்கப்பட்டது. தந்திரி கண்டரரு மகேஸ்வரரு முன்னிலையில் மேல்சாந்தி தாமோதரன் போற்றி நடை திறந்து தீபம் ஏற்றி,  இரவு 10:00 மணிக்கு நடை அடைக்கப்பட்டது. 15ம் தேதி அதிகாலை முதல் வழக்கமான நெய்யபிஷேகமும், தினசரி பூஜைகளும் நடைபெற்றன. 15ம் தேதி முதல் 18ம் தேதி வரை, நான்கு நாட்கள் ஓணம் விருந்து நடைபெற்றது. 16ம் தேதி அய்யப்பனுக்கு திருவோண பட்டு அணிவித்து, சிறப்பு பூஜைகள் நடைபெற்றது. 15 முதல் 21ம் தேதி வரை, தினமும் சகஸ்ர கலச பூஜையும், இரவு படிபூஜையும் நடைபெற்றது. 21ம் தேதி இரவு 10:00 மணிக்கு ஹரிவராசனம் பாடி நடை அடைக்கப்படுகிறது. அதன் பின்னர் ஐப்பசி மாத பூஜைக்காக அக்டோபர் 16ம் தேதி மாலை 5:30 மணிக்கு சபரிமலை நடை திறக்கப்படுகிறது. 17ம் தேதி அடுத்த, ஒரு ஆண்டு காலத்துக்கான மேல்சாந்தி குலுக்கல் தேர்வு நடைபெறும்.