மதுரை : மதுரை தியாகராஜர் கல்லுாரியில் பத்து நாள் சைவ சித்தாந்த இலவச பயிற்சி வகுப்பு நவ.,21 முதல் 30 வரை நடக்கிறது. இதில் சைவ சித்தாந்த கோட்பாடுகள், அது தொடர்பான நுால்கள் பயிற்றுவிக்கப்படும். ஆனந்தராஜன் தலைமையில் பாடங்கள் பயிற்றுவிக்கப்பட்டு, பொதுநிலை, சிறப்பு நிலை என இரு பிரிவுகளில் பயிற்சி முடிப்பவர்களுக்கு சான்றிதழ் வழங்கப்படும். பத்து நாட்கள் தங்குமிடம், உணவு இலவசம். கட்டணம் இல்லை.விண்ணப்ப படிவத்தை, முதல்வர், தியாகராஜர் கல்லுாரி, மதுரை-9 என்ற முகவரிக்கு கடிதம் எழுதி பெறலாம். பூர்த்தி செய்யப்பட்ட விண்ணப்பங்கள், அக்., 31க்குள் வந்துசேர வேண்டும் என, கல்லுாரி முதல்வர் ராஜசேகர் தெரிவித்துள்ளார்.