திருத்தணி : தேசம்மன் கோவிலில், நேற்று, மூலவருக்கு சிறப்பு அபிஷேகம் மற்றும் அம்மன் வீதியுலா நடந்தது. திருத்தணி அடுத்த, ராமகிருஷ்ணாபுரம் கிராமத்தில், தேசம்மன் கோவிலில், நேற்று, உற்சவ திருவிழா நடந்தது. இதையொட்டி, நேற்று காலை, திரளான பெண்கள் பால்குடம் ஏந்தி ஊர்வலமாக சென்று, மூலவர் தேசம்மனுக்கு பாலாபிஷேகம் நடத்தினர். தொடர்ந்து, சிறப்பு அலங்காரம் மற்றும் தீபாராதனை நடந்தது. மாலையில், கோவில் வளாகத்தில், பெண்கள் பொங்கல் வைத்து வழிபட்டனர். இரவு, 7:30 மணிக்கு, உற்சவர் தேசம்மன் திருவீதியுலா வந்து பக்தர்களுக்கு அருள்பாலித்தார்.