விழுப்புரம்: முண்டியம்பாக்கம் நவநீத கோபாலகிருஷ்ண சுவாமி கோவில் கும்பாபிஷேகம் வரும் 30ம் தேதி நடக்கிறது. விக்கிரவாண்டி அடுத்த முண்டியம்பாக்கத்தில் சென்னை மெயின் ரோடில் அமைந்துள்ள நவநீத கோபாலகிருஷ்ண சுவாமி கோவில் கும்பாபிஷேகம் வரும் 30ம் தேதி நடக்கிறது. இதை முன்னிட்டு இன்று மாலை 5:00 மணிக்கு அங்குரார்பனம், பூர்ணாஹூதி, சாற்றுமுறை நடக்கிறது. நாளை காலை மகா சாந்தி ஹோமம், மூலவருக்கு கண் திறத்தல், விமானத்திற்கு கண் திறத்தல், மாலை மகா ஹோமம், பூர்ணாஹூதி ஆகியவை நடக்கிறது. மறுநாள் 30ம் தேதி அதிகாலை கும்ப ஆராதன ஹோமம், காலை 7:30 மணிக்கு மேல் 9:00 மணிக்குள் மகா கும்பாபிஷேகம் நடக்கிறது. பரனூர் கிருஷ்ணபிரேமி சுவாமிகள் ஆசியுடன், விழுப்புரம் முன்னாள் சேர்மன் ஜனகராஜ் முன்னிலையில் கும்பாபிஷேக நிகழ்ச்சிகள் நடக்கிறது. ஏற்பாடுகளை திருவந்திபுரம் தலைமை அர்ச்சகர் நரசிம்மன் பட்டாச்சாரியார், ஸ்தபதி அய்யனார் மற்றும் விழா குழுவினர் செய்து வருகின்றனர்.