ராமேஸ்வரம்: ராமேஸ்வரம் கோயில் கும்பாபிஷேக யாகசால பூஜை (ஜன.,16) துவங்குகிறது. இதையொட்டி 4 நாட்களுக்கு கோயில் நடை சாத்தப்படுகிறது.ராமேஸ்வரம் ராமநாதசுவாமி கோயில் கும்பாபிஷேகம் ஜன., 20ல் நடக்கிறது.

இதையொட்டி (ஜன.,15) கோயில் யாகசாலை பந்தலில் பிள்ளையார்பட்டி பிச்சை சிவாச்சாரியார்
தலைமையில் அனுக்ஞை, விக்னேஸ்வர பூஜை, தன பூஜை நடந்தன. அறநிலையத்துறை இணை ஆணையர் செல்வராஜ், உதவி கோட்ட பொறியாளர் மயில்வாகணன் பங்கேற்றனர்.
(ஜன.16) காலை 8.45க்கு கணபதி ஹோமம், நவக்கிரக ஹோமம் நடக்கிறது. காலை 10.45க்கு கோயிலில் சுவாமி, அம்மன் சன்னதியில் பாலாலயம் பூஜை நடக்கும். மாலை 6.30க்கு முதல் கால யாகசாலை பூஜை துவங்கும். இன்று முதல் ஜன., 19 வரை 4 நாட்களுக்கு கோயில் நடை சாத்தப்படும் என, இணை ஆணையர் தெரிவித்தார்.