குமாரபாளையம்: குமாரபாளையத்தில், சக்தி மாரியம்மன் கோவில் கும்பாபிஷேக விழா நடந்தது. குமாரபாளையம் அடுத்த, தட்டான்குட்டை ஊராட்சிக்குட்பட்ட சத்யா நகரில், சக்தி மாரியம்மன் கோவில் கும்பாபிஷேகம் நடந்தது. இதை முன்னிட்டு, ஜன., 29 அன்று கிராம சாந்தி பூஜை, 30ல் கணபதி ஹோமம் நடந்தது. கடந்த, 31ல், இரண்டாம் கால பூஜை, நேற்று காலை, 5:00 மணிக்கு, நான்காம் கால பூஜை, காலை, 9:00 மணிக்கு கும்பாபிஷேகம் நடந்தது. அம்மனுக்கு சிறப்பு அபிஷேக, ஆராதனைகள் செய்யப்பட்டன. தொடர்ந்து, 24 நாட்கள் மண்டல பூஜைகள் நடக்கவுள்ளன. சமயசங்கிலி அக்ரஹாரம் பரசுராம சாஸ்திரிகள் தலைமையிலான குழுவினர், யாகசாலை பூஜை மற்றும் கும்பாபிஷேக வைபவத்தை நடத்தினர். ஏற்பாடுகளை விழாக்குழுவினர் மற்றும் பொதுமக்கள் செய்திருந்தனர்.