லாலாப்பேட்டை: கார்த்திகை முதல் தேதியை முன்னிட்டு நேற்று கருப்பத்தூர் ஐயப்பன் கோவிலில் ஏராளமான பக்தர்கள் சபரிமலைக்கு செல்ல மாலையணிந்து விரதத்தை தொடங்கினர்.கேரளா மாநிலம் சபரிமலைக்கு செல்ல ஆண்டுதோறும் கார்த்திகை மாதம் முதல் தேதி பக்தர்கள் மாலை அணிவது வழக்கம். கரூரை அடுத்த லாலாப்பேட்டை, குளித்தலை உள்ளிட்ட சுற்று வட்டார பகுதிகளை சேர்ந்த பக்தர்கள் கருப்பத்தூர் ஐயப்பன் கோவிலில், சபரிமலைக்கு செல்ல மாலை அணி ந்து இரு முடிக்கட்டி செல்வது வழக்கம். அதன்படி, நேற்று கார்த்திகை மாதம் முதல் தேதி என்பதால் நேற்று அதிகாலை 5 மணி முதல் பக்தர்கள் காவிரி ஆற்றில் பக்தர்கள் குளித்துவிட்டு, அருகிலுள்ள மிகவும் பழமையான கருப்பத்தூர் ஐயப்பன் கோவிலில் பக்தர்கள் சிறப்பு வழிபாடு செய்தனர். தொடர்ந்து ஐயப்பன் கோவில் குருக்கள் அம்பி, செங்குட்டுவேல், லாலா ப்பேட்டை, கருப்பத்தூர், குளித்தலை, மத்திப்பட்டி, மகாதானபுரம், பஞ்சப்பட்டி, வயலூர், சிவா யம் ஆகிய பகுதிகளை சேர்ந்த பக்தர்கள் 500 க்கும் மேற்பட்ட பக்தர்களுக்கு மாலை அணிவித்தனர். ஏற்பாடுகளை ஐயப்பன் கோவில் நிர்வாக குழு உறுப்பினர்கள் செய்திருந்தனர்.