வடமதுரை : வடமதுரையில் மாரியம்மன் கோயில் மாசித்திருவிழா பூத்தமலர் பூச்சொரிதலுடன் துவங்கியது. திருவிழாவை முன்னிட்டு நாள்தோறும் இரவு மண்டகப்படிதாரர் சார்பில் கலை நிகழ்ச்சிகளுடன், மின் அலங்கார ரதத்தில் அம்மன் வீதியுலா வரும் நிகழ்வும் நடக்கிறது. பிப்.25-ல் அம்மன் சாட்டுதலும், பிப்.27 முதல் மார்ச் 3 வரை அம்மன் ஊர் விளையாடல் நிகழ்ச்சியும் நடைபெற உள்ளது. மார்ச் 4 இரவு பக்தர்கள் பூக்குழியில் இறங்கி, நேர்த்திக்கடன் செலுத்தும் நிகழ்ச்சியும், மார்ச் 5-ல் அக்கினிச்சட்டி,மாவிளக்கு எடுத்தல், பொங்கல் வைத்தல் உள்ளிட்ட சிறப்பு வழிபாடுகள் நடக்கிறது. மார்ச் 6-ல் முளைப்பாரி எடுத்தல், மஞ்சள் நீராட்டுதலுடன் விழா நிறைவடைகிறது. ஏற்பாட்டினை கோயில் தக்கார் கணபதிமுருகன் செய்து வருகின்றனர்.