விருதுநகர்: தமிழக கவர்னர் பன்வாரிலால் புரோஹித், விமானம் மூலம் இன்று காலை மதுரை வருகிறார். அங்கிருந்து புறப்படும் அவர் காலை 8:25 மணிக்கு, ஸ்ரீவில்லிபுத்துார் வருகிறார். பொதுப்பணித்துறை ஆய்வு மாளிகையில் தங்கும் அவர், 9:30 மணிக்கு ஸ்ரீவில்லிபுத்துார் ஆண்டாள்கோயிலில் தரிசனம் செய்கிறார். 10:50 மணிக்கு விருதுநகருக்கு வரும் கவர்னர், விருதுநகர் பராசக்தி மாரியம்மன்கோயிலில் அம்மனை தரிசிக்கிறார். 11:00 மணி முதல் மதியம் 12:30 மணி வரை, விருதுநகர் பொதுப்பணித்துறை ஆய்வு மாளிகையில் மக்களிடம் குறைதீர் மனுக்கள் பெறுகிறார். மாலையில் துாய்மை பாரத திட்டப் பணியை துவக்கி வைக்கிறார். இரவு 7:00 மணிக்கு மதுரை செல்கிறார்.

ஸ்ரீவில்லிபுத்துார்: ஸ்ரீவில்லிபுத்துார் ஆண்டாள் கோயிலுக்கு வரும் கவர்னர், ஆண்டாள் சன்னதி மற்றும் பிறப்பிடம், பெருமாள் சன்னதிகளில் தரிசனம் செய்கிறார். இதற்காக 500க்கு மேற்பட்ட போலீசார் பாதுகாப்பு பணியில் ஈடுபட்டுள்ளனர். கூடுதல் கேமராக்கள் மூலம் கண்காணிப்பு செய்யப்பட்டுள்ளது.இதையொட்டில் நேற்று மாலை 6:00 மணிக்குடி.எஸ்.பி.,ராஜராஜன் தலைமையில், கோயிலின் அனைத்து பகுதிகளிலும் ஆய்வு மேற்கொள்ளப்பட்டது. மேலும், மாவட்ட எல்லையான அழகாபுரியிலிருந்து கோயில் வரை, பாதுகாப்பு அணிவகுப்பு ஒத்திகையும் நடந்தது.