அரூர்: அரூரில், உள்ள சிவன் கோவில்களில் பிரதோஷத்தையொட்டி, நேற்று நடந்த சிறப்பு வழிபாட்டில், ஏராளமான பக்தர்கள் பங்கேற்று, சுவாமியை வழிபட்டனர். அரூர் பஸ் ஸ்டாண்ட் அருகில், உள்ள வர்ணீஸ்வரர் கோவிலில் பிரதோஷத்தை முன்னிட்டு, சுவாமிக்கு, சிறப்பு அபி?ஷகம் மற்றும் ஆராதனை நடந்தது. மேலும், நந்திக்கு, பால், இளநீர், தேன் உள்ளிட்ட அபி?ஷகங்கள் நடந்தன. சந்தைமேட்டில் உள்ள வாணீஸ்வரர் கோவில், பொம்மிடி அருணாசல ஈஸ்வரன் கோவில், தீர்த்தமலை தீர்த்தகிரீஸ்வரர் கோவில் உள்ளிட்ட பல்வேறு கோவில்களில் சிறப்பு பூஜை மற்றும் அலங்காரம் நடந்தது. சித்திரை மாத பிரதோஷத்தை முன்னிட்டு, தர்மபுரி கோட்டை மல்லிகார்ஜூனேஸ்வரர் கோவிலில், நேற்று மாலை, நந்திக்கு பால், தயிர், இளநீர் உட்பட பல்வேறு அபி?ஷகங்கள் நடந்தன. அதை தொடர்ந்து, மல்லிகார்ஜூனேஸ்வரர், கல்யாண காமாட்சியுடன் சிறப்பு அலங்காரத்தில், கோவிலை வலம் வந்து, பக்தர்களுக்கு அருள்பாலித்தார். இதேபோன்று, தர்மபுரி நெசவாளர் காலனி மஹாலிங்கேஸ்வர், பாலக்கோடு பால்வண்ண நாதர், தீர்த்தமலை தீர்த்தகிரீஸ்வரர் கோவில் உட்பட மாவட்டத்தின் பல்வேறு பகுதிகளில் உள்ள சிவன் கோவில்களில், நேற்று சித்திரை மாத பிரதோஷ வழிபாடு நடந்தது.