திருத்தணி : அகூர் ஊராட்சியில் உற்சவ பெருமான் வள்ளி, தெய்வானையுடன் திருவீதி உலா வந்து பக்தர்களுக்கு அருள்பாலித்தார். திருத்தணி ஒன்றியம், அகூர் ஊராட்சியில் ஆண்டுதோறும் உற்சவ பெருமான் வள்ளி, தெய்வானையுடன் அலங்கரிக்கப்பட்ட டிராக்டரில் எழுந்தருளி திருவீதியுலா வந்து பக்தர்களுக்கு அருள்பாலிப்பார். அதே போல் நேற்று காலை, முருகப்பெருமான் வள்ளி, தெய்வானையுடன் மலைக் கோவிலில் இருந்து படிகள் வழியாக திருக்குளம் வந்தடைந்தார். அங்கு அலங்கரிக்கப்பட்ட டிராக்டரில் எழுந்தருளி, ஊர்வலமாக அகூர் கிராமத்தில் உள்ள அகத்தீஸ்வரர் கோவில் வளா கத்திற்கு வந்தடைந்தார். மாலை, உற்சவ பெருமானுக்கு சிறப்பு அபிஷேகம், அலங்காரம் மற்றும் தீபாராதனை நடந்தது. பின்னர், உற்சவ பெருமான் அகூர் பகுதியில் உள்ள அனைத்து வீதிகளிலும் திருவீதி உலா வந்து பக்தர்களுக்கு அருள்பாலித்தார்.