ப,வேலூர்: ப.வேலூரில், அகில பாரத துறவியர் சங்கம் சார்பில், காவிரி நதியின் தூய்மை குறித்து, ரத யாத்திரை மற்றும் காவிரி அன்னைக்கு பூஜை செய்து, மலர் தூவி வழிபட்டனர். அகில பாரத துறவியர் சங்கம் சார்பில், காவிரி நதியை தூய்மையாக வைத்திருப்பது குறித்த விழிப்புணர்வு ரதயாத்திரை கடந்த அக்., 23 ல் கர்நாடக மாநிலம் தலைக்காவிரியில் தொடங்கி, வரும், 15ல்
பூம்புகார் சென்று நிறைவடைகிறது.

நேற்று (நவம்., 7ல்) ப.வேலூர், நன்செய் இடையாறு காவிரி யாற்றில், காவிரி தாய்க்கு நன்றி செலுத்தும் வகையில், சிறப்பு பூஜைகள் செய்தும், மலர்கள் தூவியும் வழிபட்டனர். மேலும் காவிரியின் புனிதம், முக்கியத்துவம் மற்றும் அதன் சுத்தம் குறித்து ரத யாத்திரை மூலம், பொதுமக்களிடையே விழிப்புணர்வு ஏற்படுத்தப்பட்டது.