இலங்கை மன்னர் ராவணனின் தம்பியான விபீஷணர், அயோத்திக்கு வந்த போது  ரங்கநாதர் சிலையை பரிசாக கொடுத்தார்  ராமர். செல்லும் வழியில் ஸ்ரீரங்கம் வந்த அவரிடம், தர்மவர்மன் என்னும் மன்னன் சிலையைக் கைப்பற்றி காவிரிநதியின்  நடுவில் பிரதிஷ்டை செய்தான். ரங்கநாதர் இங்கு வந்த நாள் பங்குனி மாதம், வளர்பிறை சப்தமி திதி, சனிக்கிழமை. அன்று சந்திரன் ரோகிணியிலும், குருபகவான் ரேவதியிலும் பலமுள்ளவர்களாக சஞ்சரித்தனர். மகாவிஷ்ணுவுக்கு சனிக்கிழமை உகந்ததாகக் கருதப்படுவதும் இதனால் தான். இச்சிலை இலங்கையை பார்க்கும் நிலையில் தெற்கு நோக்கி வைக்கப்பட்டது. சுவாமியின் வலதுகை திருமுடியைத் தாங்குகிறது. இடதுகை திருவடியை நோக்கி உள்ளது. சுவாமியின் திருவடியை வழிபட்டால் சொர்க்க வாழ்வு அமையும் என்பதை இது உணர்த்துகிறது. ரங்கநாதர் மீதிருக்கும் தங்க விமானத்தை ’ரங்க விமானம்’ என்பர். ஓம் என்னும் பிரணவ வடிவம் கொண்ட இந்த விமானத்தின் கீழ்  இருக்கும் பரவாசுதேவரின் கையில் உள்ள கிண்ணம் அவரது வாயை நோக்கி நகர்வதாகவும், அது  வாயருகில் செல்லும் நாளில் உலகம் அழியும் என்றும் சொல்கின்றனர்.