திருவண்ணாமலை: பழுதான நிலையில் இருந்த, திருவண்ணாமலை அருணாசலேஸ்வரர் கோவில் தங்கத்தேர் புனரமைக்கப்பட்டு, வெள்ளோட்டம் நடந்தது.

திருவண்ணாமலை அருணாசலேஸ்வரர் கோவிலில், கடந்த, 2006, மார்ச் 16ல், 87 லட்சம் ரூபாய் மதிப்பில், 16 அடி உயர தங்கத்தேர் செய்யப்பட்டது. மூன்றாம் பிரகாரத்தில் மட்டும், தேரை இழுத்து சென்று, பக்தர்கள் நேர்த்திக்கடன் செலுத்தி வந்தனர். கடந்த 2015, ஜன., மாதத்தில், கோவில் கும்பாபிஷேக புனரமைப்பு பணிக்காக, தங்கத்தேர் வழிபாடு தற்காலிகமாக நிறுத்தி வைக்கப்பட்டது. பல நாட்களாக தேர் இயக்கப்படாததால், தங்கத்தேர் பழுதடைந்தது. இதை பழுது நீக்கி மீண்டும் இயக்க பக்தர்கள் கோரிக்கை விடுத்தனர். இந்து சமய அறநிலையத்துறை, நன்கொடையாளர்கள் மூலம் ஆறு லட்சம் ரூபாய் மதிப்பில் தங்கத்தேர் பழுது பார்க்கப்பட்டு, இன்று (பிப்.,22ல்) வெள்ளோட்டம் நடந்தது. அறநிலையத்துறை அமைச்சர் ராமச்சந்திரன் வெள்ளோட்டத்தை துவக்கி வைத்தார். இதில், ஏராளமான பக்தர்கள் பங்கேற்றனர்.