தீர்க்கபாஹு என்ற மன்னன் சிந்து தேசத்தை ஆண்டு வந்தான். பல பாவங்கள் செய்தவன். கொடுங்கோலன், கர்ப்பிணிப் பெண்களைக்கூட கொன்றவன், பசுவதை புரிந்தவன். ஒரு முறை அவன் வேட்டைக்குச் சென்றபோது, அரசாள ஆசை கொண்ட மந்திரியால் கொல்லப்பட்டான். அவன் யமனிடம் அழைத்துச் செல்லப்பட்டான். அவனது பாவங்களுக்கேற்ப கொதிக்கும் எண்ணெய்யில் தள்ளப்பட்டான். ஆனால் எண்ணெய் குளிர்ந்து போனது. குழம்பமடைந்த யமனைச் சந்தித்த வியாசர், ""ஒரு பக்தனின் நெற்றியிலிருந்து விழுந்த ஒரு துளி கோபி சந்தனம் இவன் மீது விழுந்ததால் இவன் புண்ணிய ஆத்மாவாகி விட்டான் என்றார். அவ்வளவு மகிமை வாய்ந்தது கோபி சந்தனம். மேலும், கோபி சந்தனத்தை தனது உடலில் அணிந்தவர்கள். கங்கையில் நீராடிய பலன் பெறுவார்கள். தினமும் புண்ணிய நதிகளில் நீராடிய பலனும், 1000 அஸ்வமேத யாகமும், 100 ராஜசூய யாகமும் செய்த பலனும், வைகுண்ட பதவியும் பெறுவார்கள் என்று கர்க சம்ஹிதையில் குறிப்பிடப்பட்டுள்ளது.