நெகமம்:நெகமம் வீரமாச்சியம்மன் கோவில் திருவிழா துவங்கியது.நெகமம், அரசு மேல்நிலைப் பள்ளி ரோட்டில் வீரமாச்சியம்மன் கோவில் உள்ளது. கோவிலில் ஆண்டுதோறும் அம்மன் திருக்கல்யாணம், பூவோடு எடுத்தல் நிகழ்ச்சி நடைபெறுகிறது.இந்த ஆண்டுக்கான விழா, சேத்துமடை தீர்த்தம் எடுக்க புறப்படுதல் நிகழ்ச்சியுடன், நேற்று (ஏப்., 5ல்) காலை துவங்கியது. வரும், 8ம் தேதி மாலை, 3:00மணிக்கு, கப்பளாங்கரைக்கு தீர்த்தம் எடுக்க புறப்படுதல், இரவு, 10:00 மணிக்கு சக்தி அழைத்தல், பூஜை வழிபாடு நடக்கிறது.

ஏப்., 10ம் தேதி காலை, 6:00 மணிக்கு அம்மன் திருக்கல்யாண நிகழ்வு நடக்கிறது. அன்று காலை, 9:00 மணிக்கு மாவிளக்கு ஊர்வலம், மாலை, 4:30 மணிக்கு பூவோடு எடுத்தலும், இரவு, 11:00 மணிக்கு கும்பம் கங்கையில் விடுதலும் நடக்கிறது. வரும், 11ம் தேதி மஞ்சள் நீராடலும், 13ம் தேதி அபிஷேக பூஜையும் நடக்கிறது. கோவில் வளாகத்தில், தினமும் அன்னதானம் வழங்கப்படுகிறது.