விருத்தாசலம்:சங்கடஹர சதுர்த்தியையொட்டி, விருத்தாசலம் கோவில்களில் விநாயகருக்கு சிறப்பு வழிபாடு நடந்தது.

விருத்தாசலம் விருத்தகிரீஸ்வரர் கோவிலில் ஆழத்து விநாயகருக்கு நேற்று (மே., 22ல்) காலை பால், தயிர், சந்தனம், இளநீர், தேன் உள்ளிட்ட பொருட்களால் சிறப்பு அபிஷேகம், அருகம்புல் மாலைகள் சாற்றி தீபாராதனை நடந்தது. மாலை 4:30 மணிக்கு மேல் சிறப்பு அலங்காரத்தில் சுவாமி அருள்பாலித்தார்.மணவாளநல்லூர் கொளஞ்சியப்பர் கோவிலில் சித்தி விநாயகர், சுவாமிக்கு சிறப்பு அபிேஷக ஆராதனை நடந்தது. தொடர்ந்து, சந்தனக்காப்பு அலங்காரத்தில் சுவாமிகள் அருள்பாலித்தனர்.இதேபோல், ஆற்றங்கரை சித்தி விநாயகர், கடைவீதி யாகசாலை விநாயகர், காந்தி நகர் நர்த்தன விநாயகர், அய்யனார் கோவில் தெரு வழித்துணை விநாயகர், கடலூர் சாலை விஜய விநாயகர், பெரியார் நகர் செல்வ விநாயகர், சித்தி விநாயகர் கோவில்களில் சுவாமிகளுக்கு சிறப்பு வழிபாடு நடந்தது.ஏராளமானோர் தரிசனம் செய்தனர்.