திருப்புத்துார்: திருப்புத்துார் திருத்தளிநாதர் கோயில் யானை சிவகாமி பராமரிப்பு குறித்து வளர்ப்பு யானைகள் தணிக்கைக் குழுவினரால் ஆய்வு செய்யப்பட்டது.

சிவகங்கை மாவட்ட வளர்ப்பு யானைகள் தணிக்கைக் குழுவில்உள்ள மாவட்ட வன அலுவலர் ராமேஸ்வரன், கால்நடை பராமரிப்புதுறை துணை இயக்குநர் டாக்டர் ராம்குமார், இந்து அறநிலையத்துறை உதவி ஆணையர் சிவலிங்கம், உதவி வன அலுவலர் மணி வண்ணன், தொண்டு நிறுவன வாசுகி, வன அலுவலர் மதிவாணன் உள்ளிட்டோர் திருப்புத்துார் கோயில் யானை பராமரிப்பு குறித்து கொட்டிலில் ஆய்வு நடத்தினர். ஆய்வுக்கு பின் மேலும் பராமரிப்பிற்கான ஆலோசனைகளை மாவுத்தனிடம் கூறினர். தொடர்ந்து குன்றக்குடி, காளையார்கோயில் யானைகளை ஆய்வு செய்தனர்.