தியாகதுருகம்: தியாகதுருகம் சொர்ணாம்பிகை மாரியம்மன் கோயில் கும்பாபிஷேகம் பிப்.,7 ம் தேதி நடக்கிறது.

தியாகதுருகத்தில் நூற்றாண்டு பழமையான சொர்ணாம்பிகை மாரியம்மன் கோயில் உள்ளது. இக்கோவிலை செப்பனிட்டு புதுப்பிக்க பக்தர்கள் முடிவு செய்து கடந்த ஆண்டு திருப்பணி துவங்கப்பட்டது. கோயில் விமானம், அர்த்தமண்டபம், ராஜகோபுரம், விநாயகர், நவகிரக சன்னதி, கொடிமரம் ஆகியவை 2 கோடி ரூபாய் மதிப்பில் கட்டப்பட்டது. இக்கோயில் கும்பாபிஷேகம் 7 ம் தேதி நடக்கிறது. இன்று (பிப்.,5) காலை 9:00 மணிக்கு கணபதி ஹோமத்துடன் பூஜைகள் துவங்கியது. மாலை 6:00 மணிக்கு யாகசாலை பூஜை துவங்கி நடந்து வருகிறது.  7 ம் தேதி காலை 6:00 மணிக்கு கும்பாபிஷேக விழா நடக்க உள்ளது. இதற்கான ஏற்பாடுகளை திருப்பணி குழுவினர் செய்துள்ளனர்.