‘சிக்கெனப் பிடித்தேன் எங்கெழுந்து அருளுவதினியே’ என சிவனைப் பற்றி மாணிக்கவாசகர் பாடியுள்ளார். ஆனால், சிவன் ‘சிக்’  என்று பற்றிக் கொண்டு அமர்ந்த இடமே ‘சிக்கல்’ எனப்படுகிறது. இத்தலத்தில் பால்குளம் ஒன்று இருந்தது. அதில் இருந்து வெண்ணெய் எடுத்த வசிஷ்ட முனிவர், சிவலிங்கம் அமைத்து வழிபட்டார். பூஜை முடிந்து லிங்கத்தை எடுக்க முயன்ற போது, அது கல்லாக மாறி, ‘சிக்’கென ஒட்டிக் கொண்டது. அந்த சிவலிங்கமே ‘திருவெண்ணெய்நாதர்’  எனப்படுகிறார். ‘சிக்’ என்று ‘கல்லாக’ சுவாமி அமர்ந்ததால் ஊருக்கும் ‘சிக்கல்’ என பெயர் வந்தது.