திருப்புத்துார்:திருக்கோஷ்டியூர் சவுமிய நாராயணப்பெருமாள் கோயிலில் நேற்று திருக்கல்யாண மகோத்ஸவம் துவங்கியது.
சிவகங்கை சமஸ்தானத்தைச் சேர்ந்த இக்கோயிலில் சவுமியநாராயணப்பெருமாள் கோதை நாச்சியார் திருமண மகோத்ஸவம் ஐந்து நாட்கள் நடைபெறும். நேற்று மாலை 5:00 மணிக்கு ஆண்டாள் திருமாமணி மண்டபம் எழுந்தருளி சிறப்பு அலங்காரத்தில் காட்சியளித்தார். தொடர்ந்து இரவு 8:00 மணிக்கு கைத்தலச்சேவை நடந்து உற்ஸவ பெருமாளுடன் அருள்பாலித்தார்.பின்னர் ஆண்டாள் சன்னதி எழுந்தருளி ஆண்டாளுக்கு காப்புக் கட்டி மகோத்ஸவம் துவங்கியது.
தொடர்ந்து இன்று காலை 8:00 தைலக்காப்பு மண்டபத்திற்கு ஆண்டாள் எழுந்தருளலும், நவகலஸ அலங்கார சவுரித் திருமஞ்சனம் நடைபெறும். நாளை மாலை 6:00 மணிக்கு ஆண்டாள் உச்சிக்கொண்டை சேவை,கோதை நாச்சியாரை கடாஷித்தலும், 4ம் நாளில் முத்துக்குறி பார்த்தலும், பிப்.,11ல் 5ம் நாளன்று இரவு 7:36 மணிக்கு திருக்கல்யாணம் நடைபெறும்.