தமிழகத்தில் சூரியனுக்காக அமைந்த ஒரே கோயில் சூரியனார் கோவில். முதலாம் குலோத்துங்கனால் கட்டப்பட்டதால், சுவாமிக்கு, ‘குலோத்துங்க சோழ மார்த்தாண்டாலய தேவர்’ என்று பெயர். கருவறையில் மேற்கு நோக்கிய சூரிய நாராயணருடன் உஷா, பிரத்யுஷா என்னும் தேவியர் உள்ளனர். சூரியன் சன்னதியை சுற்றி மற்ற எட்டு கிரகங்கள் பரிவார தெய்வங்களாக உள்ளன. சுப கிரகமான குருபகவான் சூரியனுக்கு எதிரில் இருக்கிறார். குரு தன் சுப பார்வையால் சூரியனின் உக்கிரம் போக்கி குளிர்விக்கிறார்.