சபரிமலை : வைகாசி மாத பூஜைகளுக்காக, சபரிமலை நடை, நாளை திறக்கப்படுகிறது. சபரிமலை அய்யப்பன் கோவில் நடை, நாளை, மாலை, 5:00 மணிக்கு திறக்கப்படுகிறது. மேல்சாந்தி சுதிர் நம்பூதிரி நடை திறந்து, விளக்கேற்றுகிறார்; வேறு பூஜைகள் இல்லை. இரவு, 7:30 மணிக்கு நடை அடைக்கப்படும்.மறுநாள், 15-ல், அதிகாலை, 5:00 மணிக்கு நடை திறக்கப்பட்டு, அபிஷேகம் நடைபெறும். கணபதி ஹோமம், உஷபூஜை, உச்சபூஜை நடத்தப்பட்டு, 10:00 மணிக்கு நடை அடைக்கப்படும்.மாலை, 5:00 மணிக்கு நடை திறக்கப்பட்டு, தீபாராதனை, அத்தாழ பூஜைக்கு பின், இரவு, 7:30 மணிக்கு அடைக்கப்படும். , 19- இரவு, 7:30 மணிக்கு நடை அடைக்கப்படும். கொரோனா காரணமாக, இந்த பூஜைகளிலும் பக்தர்களுக்கு அனுமதியில்லை. அதே நேரம், www.onlinetdb.com என்ற இணையதள முகவரியில் முன்பதிவு செய்து, ஆன்லைன் வழிபாடுகளை மேற்கொள்ளலாம் என, தேவசம் போர்டு அறிவித்துள்ளது.