பழநி: திருவள்ளுவர் தினத்தை முன்னிட்டு பழநி பெரியகலையம்புத்துாரில் உள்ள அவரது கோயிலில் வழிபாடு நடந்தது.வள்ளுவர் சமுதாய மக்கள் சார்பில் இங்கு கோயில் கட்டி கடந்த 13 ஆண்டுகளாக வழிபடுகின்றனர். நேற்று திருவள்ளுவர் சிலைக்கு பால், பன்னீர், சந்தனம் உள்ளிட்ட 16 வகை பொருட்களால் அபிஷேகம், அலங்காரம் நடந்தது. பொங்கல், கரும்பு, பொரிகடலை படைத்து தீபாராதனையுடன் பூஜைகள் நடந்தது.பள்ளி மாணவர்கள் திருக்குறள் படித்தனர். பல மாவட்டங்களில் இருந்தும் ஏராளமானோர் வந்து வழிபட்டனர். மாணவர்களுக்கு விளையாட்டுப் போட்டிகள், கலை நிகழ்ச்சிகள் நடந்தன.