ஈரோடு: பத்ரகாளியம்மன் கோவில் குண்டம் திருவிழாவில், ஏராளமான பக்தர்கள் தீ மிதித்தனர். ஈரோடு, கோட்டை, சின்னபாவடி பத்ரகாளியம்மன் கோவில் குண்டம் விழா, கடந்த மாதம், 31ல் தொடங்கியது. பிப்.,1ல் பூச்சாட்டு, இதை தொடர்ந்து தீர்த்தம் எடுத்து வருதல், அபிஷேகம், அக்னி கபாலம் ஊர்வலம் நடந்தன. நேற்று காலை குண்டம் இறங்குதல் நிகழ்ச்சி நடந்தது. கோவில் தலைமை பூசாரி, சிறப்பு பூஜை செய்து, முதலில் குண்டம் இறங்கினார். இதையடுத்து, காப்பு கட்டி விரதமிருந்த சிறுவர், சிறுமியர், பெண்கள் உள்ளிட்ட நூற்றுக்கும் மேற்பட்ட பக்தர்கள் ஓம் சக்தி... பராசக்தி கோஷமிட்டபடி குண்டம் இறங்கினர். இதை தொடர்ந்து, பொங்கல் வைபவம், மாவிளக்கு எடுத்தல், மாலையில் அம்மன் திருவீதியுலா நடந்தது. இரவு மறு அபிஷேகத்துடன் விழா நிறைவு பெற்றது.