வால்பாறை: வால்பாறை ஐயப்ப சுவாமி கோவிலில், புரட்டாசி மாத உத்திர நட்சத்திர பூஜை நடந்தது.

புரட்டாசி மாதம் உத்திர நட்சத்திரத்தையொட்டி, வால்பாறை சுப்ரமணிய சுவாமி கோவில் வளாகத்தில் எழுந்தருளியுள்ள ஐயப்ப சுவாமிக்கு, காலை, 6:00 மணிக்கு கணபதி ஹோமம், 7:00 மணிக்கு அபிஷேக பூஜையும், 8:00 மணிக்கு சிறப்பு அலங்கார பூஜையும் நடந்தது. நுாற்றுக்கணக்கான பக்தர்கள் சுவாமி தரிசனம் செய்தனர். இதே போன்று, வால்பாறை வாழைத்தோட்டம் ஐயப்ப சுவாமி கோவிலில் இன்று காலை, 5:30 மணிக்கு நடை திறக்கப்பட்டது. அதனை தொடர்ந்து, காலை, 7:00 மணிக்கு சிறப்பு அபிேஷக, அலங்கார பூஜைகள் நடந்தன. உத்திர நட்சத்திர பூஜையில் பக்தர்கள் திரளாக கலந்து கொண்டு ஐயப்பனை வழிபட்டனர்.