சங்கராபுரம்: கொரோனா தாக்கத்தால் கோவில்களில் தினசரி தடையின்றி பூஜை நடக்க சங்கராபுரம் வட்டத்தில் உள்ள 20 க்கும் மேற்பட்ட கிராம கோவில்களுக்கு பூஜை பொருட்கள் வழங்கும் நிகழ்ச்சி நடந்தது.தேவபாண்டலம் சிவன் கோவில் வளாகத்தில் நடந்த நிகழ்ச்சிக்கு சங்கராபுரம் வட்ட பிராமணர் சங்க தலைவர் ரவி குருக்கள் தலைமை தாங்கினார். கவுரவ தலைவர் வேங்கடநாராயணன், துணை தலைவர் நாராயணன், ஒருங்கிணைப்பாளர் கணபதி , துணை செயலாளர் வெங்கட், இணை செயலாளர் ஜெயமுருகன் முன்னிலை வகித்தனர். பொருளாளர் மகாதேவன் வரவேற்றார்.சங்கராபுரம் வட்டத்தில் உள்ள 20 கிராம கோவில் அர்ச்சகர்களிடம் தலா ரு.750 மதிப்புள்ள பூஜை பொருட்கள் வழங்கப்பட்டது. முன்னதாக நாட்டில் கொரோனா தாக்கம் குறையவும், கொரோனாவால் பாதிக்கப்பட்ட நபர்கள் பூரண குணமடையவும் சிறப்பு பிரார்த்தனை நடந்தது. நிகழ்ச்சியில் கோபால கிருஷ்ணன், பரணி, தேவராஜன், அருண், அரிகரன், அசோக் பங்கேற்றனர்.