பொள்ளாச்சி : பொள்ளாச்சி சிஞ்சுவாடி விநாயகர் கோவிலுக்கு சொந்தமான 12.16 ஏக்கர் நிலத்தை சுவாதீனத்தில் வைத்திருந்தவர், தானாக முன் வந்து அறநிலைய துறை அதிகாரிகளிடம் ஒப்படைத்தார்; மீதம் உள்ள 124 ஏக்கர் ஆக்கிரமிப்பில் உள்ளது.

கோவை மாவட்டம், பொள்ளாச்சி, குண்டலப்பட்டியில் உள்ள சிஞ்சுவாடி விநாயகர் கோவிலுக்கு சொந்தமான 12.16 ஏக்கர் நிலத்தை பயன்படுத்திய லட்சுமாபுரத்தைச் சேர்ந்த ராஜேஷ், கடந்தாண்டு அக்., மாதம் ஹிந்து சமய அறநிலைய துறை அதிகாரிகளிடம் நிலத்தை ஒப்படைத்தார்.நேற்று நிலத்தை அளவீடு செய்யும் பணி நடந்தது. மாரியம்மன், அங்காளம்மன் கோவில் செயல் அலுவலர் விமலா, கிராம நிர்வாக அலுவலர் முன்னிலையில் நிலம் அளவீடு செய்யப்பட்டது. சிஞ்சுவாடியில் மீதம் உள்ள 124 ஏக்கர் நிலம் ஆக்கிரமிப்பில் உள்ளது. கோவில் நிலங்கள் அனைத்தையும் மீட்க அதிகாரிகள் நடவடிக்கை எடுக்க வேண்டும் என்ற கோரிக்கை எழுந்து உள்ளது.