நிலக்கோட்டை: அணைப்பட்டி வைகை ஆற்றில் ஆடி பெருக்கை முன்னிட்டு பக்தர்கள் புனித நீராடினர்.

அணைப்பட்டி வைகையாற்றில் சுற்றுபுற கிராம மக்கள் புனித நீராடி ஆஞ்சநேயர் கோயிலில் தரிசனம் செய்தனர். கொரோனா தொற்று பரவலை தடுக்க தமிழக கோயில்கள் சிலவற்றிற்கு பக்தர்கள் தரிசனத்திற்கு அரசு தடை விதித்தது. அணைப்பட்டி கோயிலிலும் பக்தர்கள் தரிசனத்திற்கு தடை விதித்ததால் கோயில் மூடப்பட்டது. போலீஸ் பாதுகாப்பையும் மீறி பக்தர்கள் கோயிலுக்கு வெளியே சூடம் ஏற்றி வழிபட்டனர். பக்தர்கள் கோவில் முன்பாக குவிந்ததால் நிலக்கோட்டை போலீசார் அவர்களை வெளியேற வலியுறுத்தினர்.