பெ.நா.பாளையம்: பெரியநாயக்கன்பாளையம் அருகே சாமிசெட்டிபாளையம் பிரிவிலுள்ள அருள்மிகு பட்டத்தரசி அம்மன் திருக்கோவிலில் வரலட்சுமி விரத தினத்தை ஒட்டி, சிறப்பு பூஜைகள் நடந்தன. விழாவையொட்டி, காலை சிறப்பு பூஜை மற்றும் அபிஷேக ஆராதனைகள் நடந்தன. சிறப்பு மலர் அலங்காரத்தில் பட்டத்தரசி அம்மன் அருள்பாலித்தார். மேலும், விழாவில் பங்கேற்ற பெண்களுக்கு மஞ்சள் கயிறு, வளையல், மஞ்சள், குங்குமம் உள்ளிட்டவை வழங்கப்பட்டன. அன்னதானத்திற்கும் ஏற்பாடு செய்யப்பட்டிருந்தது.