புதுச்சேரி : கருவடிக்குப்பம் குரு சித்தானந்த சுவாமி கோவிலில் காயத்ரி ஹோமம் நடந்தது. கருவடிக்குப்பத்தில் குரு சித்தானந்த சுவாமி கோவில் அமைந்துள்ளது.

இக்கோவிலில், நேற்று முன்தினம் யஜூர் வேத ஆவணி அவிட்டம் நிகழ்ச்சி நடந்தது. அதனை தொடர்ந்து நேற்று காலை 5;30 மணிக்கு, காயத்ரி ஹோமம் கணபதி பூஜையுடன் துவங்கியது. தொடர்ந்து சங்கல்பம், காயத்ரி ஹோமம், பூர்ணா ஹூதி நடந்தது. 8;00 மணி வரை 1008 காயத்ரி மந்திரம் ஓதப்பட்டு, சுவாமிக்கு மகா தீபாராதனை காண்பிக்கப்பட்டது. வேத சாம்ராட் ராஜா சாஸ்திரி தலைமையில் நடந்த நிகழ்ச்சியில் ஏராளமானோர் கலந்து கொண்டனர். ஏற்பாடுகளை புதுச்சேரி பிராமண சங்கம் மற்றும் சாய்சங்கர பக்தசபாவினர் செய்தனர்.