திருப்புவனம்: சிவகங்கை மாவட்டம் கீழடி ஏழாம் கட்ட அகழாய்வில் அகரத்தில் தங்க அணிகலன்கள் கண்டெடுக்கப்பட்டுள்ளது.

அகரத்தில் இதுவரை எட்டு குழிகள் தோண்டப்பட்டு உறைகிணறுகள், சுடுமண் குழாய்கள், புகை பிடிப்பான், சுடுமண்முத்திரை, அலங்கார பொருட்கள், பொம்மைகள், தங்க பொருட்கள் உள்ளிட்டவைகண்டறியப்பட்டன. இதன் தொடர்ச்சியாக கழுத்து, காது ஆகியவற்றில் அணியும் இரண்டு தங்க ஆபரணங்கள் கண்டறியப்பட்டுள்ளன. அறுங்கோண வடிவிலான இந்த ஆபரணத்தில் புள்ளிகள் வரையப்பட்டுள்ளன. கழுத்தில் அணிய வசதியாக நடுவில் துளையிட்டுசிறிய இணைப்பை ஏற்படுத்தியுள்ளனர். காதில் அணியும் அணிகலன் குண்டுமணி வடிவத்தில் உள்ளது. ஏற்கனவே கடந்த ஆறாம் கட்டஅகழாய்விலும் அகரத்தில் வீரராகவன் காசு எனப்படும் தங்க காசு கண்டறியப்பட்டது. எனவே அகரம் பண்டைய கால வணிக நகராக திகழ்ந்திருக்க கூடும் எனதொல்லியல் ஆய்வாளர்கள் கருதுகின்றனர்.