புதுச்சேரி : குரும்பாபட்டில், ராகவேந்திரா சுவாமியின் 350 வது ஆராதனை விழா நேற்று துவங்கியது. குரும்பாபட்டு ராகவேந்திரா சுவாமி மடத்தில், மந்த்ராலயா கிளை சார்பில் ராகவேந்திரா சுவாமிகளின் 350வது ஆராதனை விழா நேற்று துவங்கியது.காலை 5:00 மணிக்கு நிர்மால்ய விஸர்ஜனம், 8:00 மணிக்கு மகா சிறப்பு அபிஷேகம் நடந்தது. 11:00 மணி அளவில் கனகாபிஷேகம், மதியம் 12:00 மணிக்கு சிறப்பு அலங்காரம் நடந்தது. திரளான பக்தர்கள் சுவாமி தரிசனம் செய்தனர். பக்தர்களுக்கு அன்னதானம் வழங்கப்பட்டது.ராகவேந்திரா சுவாமிகளின் ஆராதனை விழா இன்று(24ம் தேதி) மற்றும் நாளையும் (25ம் தேதி) நடக்கிறது.