புதுச்சேரி : குருமாம்பட்டு ராகவேந்திரர் மடத்தில் 350வது ஆராதனை விழாவையொட்டி, இன்று ரதோற்சவம் நடக்கிறது.

புதுச்சேரி, குருமாம்பட்டில் உள்ள ராகவேந்திரர் பிருந்தாவனத்தில், 350வது ஆரோதனை விழா கடந்த 22ம் தேதி தானிய பூஜையுடன் துவங்கியது.அதனைத் தொடர்ந்து, தினசரி காலை 5:00 மணிக்கு நிர்மால்ய விஜர்சனம், 8:30 மணிக்கு மகா சிறப்பு அபிஷேகம், 11:00 மணிக்கு கனகாபிஷேகம் நடந்தது. பகல் 12:00 மணிக்கு அலங்காரம், ஹஸ்தோதகம் மற்றும் அன்னதானம் நடைபெற்றது. இன்று காலை நிர்மால்ய விஜர்சனம், மகா சிறப்பு அபிஷேகம், கனகாபிஷேகத்தை தொடர்ந்து ரதோற்சவம் நடக்கிறது. பக்தர்களுக்கு அன்னதானம் வழங்கப்படுகிறது.விழா ஏற்பாடுகளை ராகவேந்திரா சுவாமி மடம் மந்த்ராலயா குழுவினர் செய்து வருகின்றனர்.