ராமேஸ்வரம் கோயிலில் தீர்த்தங்கள் திறக்க் கோரி ஆக., 30ல் யாத்திரை பணியாளர் சங்கத்தினர் காத்திருப்பு போராட்டம் நடத்த உள்ளனர்.

கொரோனா 2ம் அலை தாக்கம் குறைந்து வரும் நிலையில், பல தளர்வுகளை அறிவித்த தமிழக அரசு ராமேஸ்வரம் கோயில் வளாகத்தில் உள்ள 22 தீர்த்தங்களில் பக்தர்கள் நீராட தடை நீடித்து உள்ளனர். இதனால் கோயிலுக்கு பக்தர்கள் வருகை குறைந்ததால், தீர்த்தம் இறைத்து ஊற்றும் யாத்திரை பணியாளர் சங்க உறுப்பினர்கள், கோயிலை சுற்றியுள்ள தங்கும் விடுதிகள், டீக்கடை, ஓட்டல்கள் முடி கிடப்பதால் உரிமையாளர்கள், தொழிலாளர்கள் வருவாய் இன்றி பாதிக்கின்றனர். இந்நிலையில் நேற்று ராமேஸ்வரத்தில் யாத்திரை பணியாளர் சங்க தலைவர் பாஸ்கரன் தலைமையில் நடந்த கூட்டத்தில், கோயிலுக்குள் 22 தீர்த்தங்கள் திறக்க கோரி ஆக.,30 ல் காத்திருப்பு போராட்டம் செய்வது என தீர்மானத்தில் தெரிவித்தனர்.