பரங்கிப்பேட்டை: தைப்பூச திருவிழாவையொட்டி பரங்கிப்பேட்டை ஆரியநாட்டு கிழக்குத் தெரு அங்காளம்மன் கோவிலில் உள்ள சுப்ரமணிய சுவாமிக்கு சிறப்பு பூஜை நடந்தது.

தைப்பூச திருவிழாவையொட்டி பரங்கிப்பேட்டை ஆரியநாட்டு கிழக்குத் தெரு அங்காளம்மன் கோவிலில் உள்ள சுப்ரணிய சுவாமிக்கு ஆண்டுதோறும் பக்தர்கள் காவடி எடுத்து நேர்த்திக்கடன் செலுத்தி வருகின்றனர். இந்தாண்டு தைப்பூச திருவிழாவையொட்டி பக்தர்கள் வெள்ளாற்றங் கரையில் இருந்து காவடி எடுத்து வந்து மவுனகுரு மடத்தில் சுவாமி தரிசனம் செய்து சுப்ரமணிய சுவாமிக்கு சிறப்பு அபிஷேகம், சிறப்பு பூஜைகள் செய்தனர். பின்னர் விழாவில் பங்கேற்ற பக்தர்களுக்கு அன்னதானம் வழங்கப்பட்டது. ஏற்பாடுகளை கிராம நிர்வாகத்தினர் செய்திருந்தனர்.