வேலூர்: திருமலை- திருப்பதி தேவஸ்தானம் தலைவர் வேலூர் தங்கக் கோவிலிலில் தரிசனம் செய்து சக்தி அம்மாவிடம் ஆசி பெற்றார். ஆந்திரா மாநிலம், திருமலை- திருப்பதி தேவஸ்தானம் தலைவர் சுப்பா ரெட்டி, அவர் மனைவி சொர்ணலதா ஆகியோர் நேற்று வேலூர் ஸ்ரீபுரத்தில் உள்ள தங்கக் கோவிலுக்கு வந்து சுவாமி தரிசனம் செய்து, அங்குள்ள சொர்ண லட்சுமிக்கு அபி?ஷகம் செய்தனர். பின் திருமலைக்கோடியில் உள்ள சக்தி அம்மாவிடம் ஆசி பெற்றனர். அவர்களுக்கு சக்தி அம்மா பிரசாதம் வழங்கினார். திருமலை- திருப்பதி தேவஸ்தானம் கமிட்டி உறுப்பினரும், அணைக்கட்டு தி.மு.க.,- எம்.எல்.ஏ., வுமான நந்தகுமார், தங்கக் கோவில் இயக்குனர் சுரேஷ்பாபு, நாராயணி பீடம் மேலாளர் சம்பத் ஆகியோர் வரவேற்பு அளித்தனர்.