கோபால்பட்டி, வேம்பார்பட்டி சக்தி விநாயகர் கோவிலில் மகா கும்பாபிஷேகம் முடிந்து 48வது நாள் மண்டல பூஜை நடைபெற்றது. சாணார்பட்டி ஒன்றியம் வேம்பார்பட்டி அருள்மிகு சக்தி விநாயகர் கோவிலில் ஸ்ரீ வெங்கடேச பெருமாள், ஸ்ரீ சிவபெருமான், ஸ்ரீ விசாலாட்சி அம்மன் மற்றும் ஸ்ரீ சக்தி விநாயகர் ஆகிய தெய்வங்களுக்கு மகா கும்பாபிஷேகம் முடிந்து 48வது நாள் மண்டல பூஜை சிறப்பாக நடைபெற்றது. இந்த நிகழ்ச்சியில் யாகம் வளர்த்து கணபதி ஹோமம் நடைபெற்றது மற்றும் சிவபெருமான் விசாலாட்சி அம்மனுக்கு திருக்கல்யாணம், பெருமாள் மகாலட்சுமிக்கு திருக்கல்யாணம் நடந்தது, பக்தர்கள் அனைவருக்கும் அருள் பிரசாதம் வழங்கப்பட்டது. சுற்றுவட்டாரத்தில் உள்ள செடிப்பட்டி, கோபால்பட்டி, மொட்டையகவுண்டன்பட்டி, அய்யாபட்டி ஆகிய ஊர்களைச் சேர்ந்த பக்தர்கள் திரளான மண்டல பூஜையில் கலந்து கொண்டனர்.