காஞ்சிபுரம்: ஹெலிகாப்டர் விபத்தில் உயிரிழந்த முப்படைகளின் தளபதி பிபின் ராவத் மற்றும் உயிரிழந்த அதிகாரிகளின் முக்திக்காக, காஞ்சி காமாட்சி அம்மன் கோவிலில், மோட்ச தீபம் ஏற்றப்பட்டுள்ளது. காஞ்சிபுரம் ஜகத்குரு சங்கராச்சார்ய சுவாமி ஸ்ரீமடம் வெளியிட்டுள்ள அறிக்கை: குன்னுார் ஹெலிகாப்டர் விபத்தில், ராணுவ முப்படை தளபதி பிபின் ராவத், மனைவி மற்றும் சக அதிகாரிகளின் மறைவு மிகவும் துரதிஷ்டவசமானது. நம் நாட்டுக்கு பேரிழப்பாக அமைந்துள்ளது. பிபின் ராவத் ராணுவத்தில் பல்வேறு உயர் பதவிகளை வகித்தவர். அவரது தியாகம் மற்றும் சேவை என்றும் நினைவுகூரப்படும். மறைந்தவர்களின் முக்திக்காக, காஞ்சி காமாட்சி அம்மன் கோவிலில், மோட்ச தீபம் ஏற்றப்பட்டுள்ளது. இவ்வாறு, அறிக்கையில் தெரிவிக்கப்பட்டுள்ளது.