மதுரை : மீனாட்சி சுந்தரேசுவரர் திருக்கோயில் சைவ அர்ச்சகர்களுக்கான பயிற்சிப் பள்ளி தலைமை ஆசிரியர் மற்றும் ஆகம ஆசிரியர் ஆகியோரைத் தேர்வு செய்வதற்கான விண்ணப்பங்கள் வரவேற்கப்படுகிறது.

தமிழ்நாட்டில் இந்து சமய அறநிலையத்துறை கட்டுப்பாட்டில் உள்ள கல்லூரிகளில் சமய வகுப்புகள் தொடங்கப்பட்டுள்ளது. மாண்புமிகு இந்து சமய அறநிலையத்துறை அமைச்சர் திரு.பி.கே.சேகர்பாபு அவர்கள் கடந்த 04.09.2021 அன்று நடைபெற்ற மானியக் கோரிக்கையின் போது சாதி வேறுபாடின்றி அர்ச்சகர்களை உருவாக்கும் இந்து சமய அறநிலையத் துறையின் ஆறு அர்ச்சகர் பயிற்சிப் பள்ளிகள் ரூபாய் 1 கோடி 50 இலட்சம் செலவில் மேம்படுத்தப்படும் அறிவித்தார்கள். அதன் தொடர்ச்சியாக, தமிழகத்தில் உள்ள திருக்கோயில்களில் உரிய பயிற்சியும், தகுதிகளும் உடைய இந்துகளில் அனைத்து ஜாதியினரும் ஜாதிவேறுபாடின்றி அர்ச்சகராக நியமனம் பெறுவதற்கு தமிழ்நாடு சட்டமன்றப் பேரவையில், 2021-2022 ஆம் ஆண்டிற்கான மானியக் கோரிக்கை அறிவிப்பு எண்.95 –ல் அறிவிக்கப்பட்ட்து, சைவ அர்ச்சகர் ஓராண்டு சான்றிதழ் பயிற்சி வழங்கும் பள்ளித் தலைமை ஆசிரியர் மற்றும் ஆகம் ஆசிரியர் பணியிடங்களில் நியமனம் பெற விரும்புபவர்கள்  உரிய விவரங்களை முழுமையாக அளித்து உரிய சான்றிதழ்களின் நகல்களுடன்  விண்ணப்பிக்கலாம் என்று துறையின் சார்பாக கேட்டுக்கொள்ளப்படுகிறது.

விண்ணப்பதாரகள் தமிழில் முதுநிலை பட்டமும், பட்டதாரி ஆசிரியர் பயிற்சியும் பெற்றிருத்தல் வேண்டும். இந்து சமய இலக்கியங்களிலும் தமிழகத் திருக்கோயில்கள் வரலாற்றிலும் போதிய கற்றறிவு பெற்றிருத்தல் வேண்டும். பல்கலைக் கழகம் மேல்நிலைப்பள்ளி ஆகிய ஏதேனும் ஒன்றில் தமிழாசிரியராக குறைந்தபட்சம் ஐந்து  ஆண்டுக் காலம் பணியாற்றிய அனுபவம் பெற்றிருத்தல் வேண்டும். தலைமை ஆசிரியருக்கு தொகுப்பு ஊதியமாக மாதம் ஒன்றுக்கு ரூபாய் 35,000/. மேலும் விண்ணப்பதார்கள் பொதுவாக 01.12.2021 அன்று 35 வயது நிரம்பாதவராக இருத்தல் வேண்டும். இந்து சமயத்தவராகவும் பின்பற்றுபவராகவும் இருத்தல் வேண்டும். மேலும் சைவசமயக் கோட்பாடுகளைக் கடைபிடிப்பவர்களாகவும் இருத்தல் வேண்டும். நியமனங்கள் தேர்வுக்குழுவின் முடிவிற்குட்பட்டவை. விண்ணப்ப படிவத்தில் அதற்கென ஒதுக்கப்பட்டுள்ள இடத்தில் விண்ணப்பதார் தன் புகைப்படத்தை ஒட்ட வேண்டும். விண்ணப்படிவம் திருக்கோயில் அலுவலகத்தில் நேரிலோ அல்லது திருக்கோயில் www.maduraimeenakshi.org என்ற இணையத்தில் பதிவிறக்கம் செய்து கொள்ளலாம். விண்ணப்ப கட்டணம் கிடையாது.  

விண்ணப்பங்கள் வந்து சேர வேண்டிய முகவரி:
இணை ஆணையர் மற்றும் செயல் அலுவலர் மற்றும் தக்கார்,
அருள்மிகு மீனாட்சி சுந்தரேசுவரர் திருக்கோயில். மதுரை.