திருக்கோவிலூர்: திருக்கோவிலூர் உலகளந்த பெருமாள் கோவில் ஜீயர் சுவாமிகள் கைசிக ஏகாதசியை முன்னிட்டு பிரம்மரத வீதி உலா நடந்தது. திருக்கோவிலூர் உலகளந்த பெருமாள் கோவிலில், கைசிக ஏகாதசியை முன்னிட்டு நேற்று காலை 8:00 மணிக்கு பஞ்ச சம்ஸ்காரம், 9:30 மணிக்கு பக்தர்களுக்கு சமாஸ்ரயணம் செய்து வைக்கும் வைபவம் நடந்தது. இரவு ஸ்ரீதேவி பூதேவி சமேத தேகளீச பெருமாள் வீதியுலா நடந்தது. இன்று அதிகாலை 5:00 மணிக்கு ஜீயர் ஸ்ரீ தேகளீச ராமானுஜாச்சாரிய சுவாமிகள் மூலஸ்தானத்தில் கைசிக புராணம் வாசித்தார். தொடர்ந்து 9:00 மணிக்கு பிரம்ம ரதத்தில் எழுந்தருளி வீதி உலா நடந்தது. இநிகழ்ச்சியில் வைணவ பக்தர்கள் பலரும் கலந்து கொண்டனர்.