கிருஷ்ணகிரி: கிருஷ்ணகிரியில், அய்யப்ப பக்தர்களுக்கு, முஸ்லிம்கள் அன்னதானம் வழங்கினர். கிருஷ்ணகிரி, புதுப்பேட்டை சேலம் சாலையில் உள்ள அய்யப்பன் கோவிலில், மத நல்லிணக்கத்தை வலியுறுத்தி, அய்யப்ப பக்தர்கள் மற்றும் கோவிலுக்கு வந்த பக்தர்களுக்கு, மிலாடி நபி விழாக் குழுவை சேர்ந்த முஸ்லிம்கள் அன்னதானம் வழங்கினர்.முன்னாள் கவுன்சிலர் அஸ்லம் தலைமையில், மிலாடிநபி விழாக்குழு செயலர் கராமத் உள்ளிட்டோர் பக்தர்களுக்கு அன்னதானம் வழங்கினர். கோவில் நிர்வாகிகள் சிவதாஸ் உள்ளிட்ட பலர் உடனிருந்தனர்.