வத்திராயிருப்பு: சதுரகிரி சுந்தரமகாலிங்கம் கோவிலில் ஆருத்ரா வழிபாடும், சந்தன மகாலிங்கம் கோவிலில் சித்தர்கள் பூஜையும் நடந்தது. திருவாதிரையை முன்னிட்டு நேற்று முன்தினம் இரவு சுந்தரமகாலிங்கம் கோயிலில் ஆருத்ரா வழிபாடு நடந்தது. இதனை முன்னிட்டு 18 வகை அபிஷேகங்கள் மற்றும் சிறப்பு அலங்காரம் செய்யப்பட்டு சுவாமிக்கு சிறப்பு பூஜைகளை கோவில் பூசாரிகள் செய்தனர். நேற்று காலை 9 மணிக்கு மேல் சந்தன மகாலிங்கம் சன்னதியில் 18 சித்தர்களுக்கான சிறப்பு பூஜைகள் நடந்தது. இதனை முன்னிட்டு பல்வேறு அபிஷேகங்கள் செய்து, சித்தர்களுக்கு சிறப்பு பூஜைகளை கோயில் பூசாரி செய்தார். எவ்வித முன்னறிவிப்புமின்றி நடந்த பூஜையில் மிகக் குறைந்தளவு பக்தர்கள் பங்கேற்றனர். ஏற்பாடுகளை கோவில் நிர்வாகம் செய்திருந்தது.