பெரம்பலுார்: ஆங்கில புத்தாண்டு பிறந்ததையொட்டி, பெரம்பலுார் மற்றும் அரியலுார் மாவட்டத்தில் உள்ள கோயில்களில் சிறப்பு பூஜை நடந்தது. இதன் ஒரு பகுதியாக, சிறுவாச்சூர் மதுரகாளியம்மன் திருக்கோயில், செட்டிகுளம் பாலதண்டாயுதபாணி ஏகாம்பரேஸ்வரர் திருக்கோயில், வாலிகண்டபுரம் வாலீஸ்வரர் திருக்கோயில், பெரம்பலுார் பிரம்மபுரீஸ்வரர் திருக்கோயில், வெங்கனுார் விருத்தகிரீஸ்வரர் திருக்கோயில், மதனகோபால சுவாமி திருக்கோயில், திருவாளர் துறை தோளீஸ்வரர் திருக்கோயில், பெரம்பலுார் வெள்ளந்தாங்கி அம்மன் திருக்கோவில், மற்றும் அரியலுார் மாவட்டம் கங்கைகொண்ட சோழபுரம் பிரகதீஸ்வரர் திருக்கோயில், கல்லங்குறிச்சி கலியுக வரதராஜ பெருமாள் திருக்கோயில், அரியலுார் ஆலந்துறையார் திருக்கோயில், கோதண்டராமர் திருக்கோயில், ஒப்பில்லாத அம்மன் திருக்கோயில், திருமழபாடி வைத்தியநாதர் திருக்கோயில், ஆகிய திருக்கோயில்களில் ஆங்கிலப்புத்தாண்டு பிறந்ததையொட்டி சிறப்பு பூஜை நடந்தது. இதில் ஏராளமான பொதுமக்கள் தனது குடும்பத்துடன் கலந்துகொண்டு சுவாமி தரிசனம் செய்தனர். இதேபோல, ஏலாக்குறிச்சி, பெரம்பலுார், அன்னமங்கலம் உள்ளிட்ட ஊர்களில் கிறிஸ்தவ தேவாலயங்களில் சிறப்பு பிரார்த்தனை நடந்தது. இதில் ஏராளமான கிறிஸ்தவர்கள் பங்கேற்றனர்.