ராமேஸ்வரம்: ராமேஸ்வரம் ராமநாத சுவாமி கோயிலில் புதிய ஸ்படிக லிங்கம் பிரதிஷ்டையின் முதலாம் ஆண்டு விழாவை முன்னிட்டு சிறப்பு அபிஷேகம் நடந்தது.
ராமேஸ்வரம் கோவிலில் ஸ்படிக லிங்கம் பின்னமடைந்ததை முன்னிட்டு, சிருங்கேரி ஸ்ரீ சாரதா பீடம் சார்பில் அளிக்கப்பட்ட புதிய ஸ்படிக லிங்கம், கடந்த ஆண்டு பிரதிஷ்டை செய்யப்பட்டது. அதன் முதலாம் ஆண்டு விழாவை முன்னிட்டு நேற்று முன்தினம் காலை ஸ்படிக லிங்கத்துக்கு சிறப்பு பால் அபிஷேகமும், ராமநாத சுவாமிக்கு ஏகாதச ருத்ராபிஷேகமும் நடந்தன. தொடர்ந்து சிருங்கேரி மடம் சார்பில் பர்வத வர்த்தினி அம்பாளுக்கு அர்ச்சனை நடந்தது. சிருங்கேரி சாரதா பீடத்திலிருந்து அனுப்பப்பட்டிருந்த வஸ்திரங்கள் சார்த்தப்பட்டன. இதில் சிருங்கேரி பீட சிஷ்யர்கள், பக்தர்கள் கலந்து கொண்டனர். விழா ஏற்பாடுகளை சிருங்கேரி மடத்தின் ராமேஸ்வரம் கிளை நிர்வாகி மணிகண்டி நாராயணன் செய்தார்.