சிங்கம்புணரி: சிங்கம்புணரி சேவுகப்பெருமாள் அய்யனார் கோயிலில் மகா சிவராத்திரியையொட்டி ஆன்மீக சொற்பொழிவு நடந்தது. முன்னாள் எம்.எல்.ஏ., ராம.அருணகிரி தலைமை வகித்தார். சிவகங்கை தேவஸ்தான கோயில் சூப்பிரண்டு ஜெய்கணேஷ் முன்னிலை வகித்தார். பொறியாளர் கண்ணன் சேது ராமலிங்கம் வரவேற்றார். சிந்தையில் சிவன் என்ற தலைப்பில் பாலாறு மணி, சிங்கம்புணரியின் பெருமை என்ற தலைப்பில் அமரி உதயகுமார், ஹிந்து தர்மம் என்ற தலைப்பில் குகன் பேசினர். ஆசிரியர் சம்பத் நன்றி கூறினார். சிவராத்திரியையொட்டி யாகம் வளர்க்கப்பட்டு ஐந்து கால பூஜையுடன் சிறப்பு வழிபாடு நடந்தது. ஏராளமான பக்தர்கள் பங்கேற்றனர்.