திருப்புல்லாணி: திருப்புல்லாணி ஆதிஜெகநாத பெருமாள் கோயில் முன்புறம் உள்ள சக்கர தீர்த்த குளத்தில் மூன்றாம் ஆண்டு மகாதீப ஆரத்தி நடக்க உள்ளது.

திருப்புல்லாணி ஆதிஜெகநாத பெருமாள் கோயிலில் வருகிற மார்ச் 13 (ஞாயிற்றுக்கிழமை) அன்று மாலை 4 மணியளவில் கோயில் வீதிஉலா வருதல், மாலை 6 மணிக்கு மகா தீபாராதனை பூஜைகள் நடக்கிறது. மாலை 6:30 மணி அளவில் தீப தூப அலங்கார ஆராதனைகள், பிரசாதம் வழங்கல் உள்ளிட்ட நிகழ்ச்சிகள் நடக்கிறது. ஏற்பாடுகளை தர்ம ரக்ஷண ஸமிதி, ஆன்மீக அமைப்புகள், சேதுசமுத்திர ஆரத்தி குழுவினர் செய்து வருகின்றனர்.