ஆர்.எஸ்.மங்கலம்: ஆர்.எஸ்.மங்கலம் அருகே கொத்தியார்கோட்டை சாத்தாயி அம்மன் கோவில், சித்திரை விழா முன்னிட்டு, பக்தர்கள் காவடி எடுத்து நேர்த்திக்கடன் நிறைவேற்றினர். ஏப்ரல் 8 ல் காப்புக்கட்டுதலுடன் விழா துவங்கியது. தொடர்ந்து திருவிளக்கு பூஜையும், அதைத் தொடர்ந்து சிறப்பு அபிஷேகமும் தினமும் நடைபெற்று வந்தன. இந்த நிலையில் விழாவின் கடைசி நாளில், பக்தர்கள் கரகம், பால்குடம், தீ சட்டி, காவடி உள்ளிட்டவைகள் எடுத்து நேர்த்தி கடன் நிறைவேற்றினர். தொடர்ந்து அம்மனுக்கு சிறப்பு அபிஷேக ஆராதனைகள் செய்யப்பட்டு, பக்தர்கள் வழிபாடு செய்தனர். விழாவில் சுற்றுப்புற பகுதிகளை சேர்ந்த ஏராளமானோர் கலந்து கொண்டனர்.